Какие молитвы стоит читать на Ореховый Спас 29 августа, чтобы было благополучие в доме

Ежегодно 29 августа православные христиане празднуют Ореховый Спас. Этот праздник в народе ьак же называется Хлебным, Холщовым и Третьим Спасом. Это праздник посвящен воспоминаниям о перенесении Нерукотворного образа Спасителя.

Традиционную августовскую тройку Спасов, которые отмечаются православной церковью с первой половины августа, закрывает Ореховый, он же Хлебный или Холщовый. Следуя за Медовым и Яблочным, Третий Спас, который отмечается 29 августа, также закрывает строгий Успенский пост. В нашей статье мы поговорим об истории праздника, а так же о том, какую молитву стоит читать в этот день.

Ореховый Спас, история и традиции праздника

29 августа Святая Церковь вспоминает то чудесное событие, которое произошло в 944 году – перенесение из Едессы в Константинополь Нерукотворного Образа Господа нашего Иисуса Христа.

Какие молитвы стоит читать на Ореховый Спас 29 августа, чтобы было благополучие в доме

Согласно преданию, в это время в сирийском городе Едессе правил Авгарь, который был поражен проказой по всему телу. Молва о великих чудесах, которые творил Господь Иисус Христос, дошла до Сирии и до Авгаря. Не видя Спасителя, но уверовав в Него, Авгарь отсылает ему письмо с просьбой об исцелении и отсылает своего живописца Ананию – передать письмо и нарисовать Образ Господа.

Придя в Иерусалим, Анания никак не мог подойти к Спасителю из-за огромного количества народа, который окружал Господа и слушал его проповеди. Тогда он стал на камне и решил, глядя издали, нарисовать Образ Иисуса Христа, но ничего у него не получалось, Божественный свет, исходивший от Господа, ослеплял художника.

Спаситель Сам подозвал Ананию, назвав его по имени, передал для Авгаря краткое письмо и обещал прислать Своего ученика для наставления в спасении. Также Господь попросил воду и убрус (холст). Умывшись, он приложил убрус к лицу – и там отразился Его Божественный Лик.

Анания принес правителю Образ и письмо от Спасителя. Благоговейно приняв Великую Святыню, Авгарь получил исцеление, и лишь малая часть от болезни осталась на лице до прихода апостола.

Прибывшим в Едессу апостолом был святой Фаддей, который крестил Авгаря и всех жителей Едессы. Нерукотворный образ Спасителя был установлен в нише над воротами в город. И всякий, кто проходил в город, поклонялся Ему.

Так продолжалось много лет, пока один из правнуков Авгаря не впал в идолопоклонство, и у него возникло желание снять этот Образ с городских ворот. Но едесскому епископу было видение Господне, чтобы скрыть этот образ. Придя ночью вместе с прихожанами, епископ зажег лампаду и заложил образ глиняной доской и кирпичами.

Прошло много лет, и жители забыли о святыне. Однако в 545 году персидский царь осадил Едессу, и положение было безнадежным. И епископу Едессы было явление Пресвятой Богородицы, Которая повелевала достать Образ Спасителя из ниши для спасения города. Разобрав кирпичи, епископ увидел Нерукотворный Образ Спасителя, перед которым горела лампада, а на глиняной дощечке, которая прикрывала Лик, было отражение изображения Спасителя. С Нерукотворным Образом был совершен крестный ход, и персидское войско отступило.

Даже когда позднее Едессой завладели арабы, они не препятствовали поклонению этому Образу. В 944 году император Констатин выкупил у эмира этот Образ и с великими почестями перенес в Константинополь, в Фаросскую церковь Пресвятой Богородицы.

Ореховый Спас, какую молитву стоит прочитать в праздник

Выше мы вспомнили о том, что данный праздник рассказывает верующим о возникновении первой иконы Иисуса Христа, которая известна как Нерукотворный Образ. Теперь пришла пора рассказать о том, а какую молитву стоит читать в этот день.

Акафист перед Нерукотворным Образом Господа Иисуса Христа

Тропарь, глас 2

Пречистому Образу Твоему покланяемся, Благий, просяще прощения прегрешений наших, Христе Боже: волею бо благоволил еси плотию взыти на Крест, да избавиши, яже создал еси, от работы вражия. Тем благодарственно вопием Ти: радости исполнил еси вся, Спасе наш, пришедый спасти мир.

Кондак, глас 2

Неизреченнаго и Божественнаго Твоего к человеком смотрения, неописанное Слово Отчее, и Образ неписанный и богописанный победителен, ведуще неложнаго Твоего воплощения, почитаем, того лобызающе.

Кондак 1

Пречистому Твоему Образу покланяемся, Благий, просяще прощения прегрешений наших, Христе Боже: волею бо благоволил еси плотию взыти на Крест, да избавиши, яже создал еси, от работы вражия, тем с надеждою вопием Ти: Господи Боже, Спасителю мой, прииди ко мне пoгибающему и исцели болезни моя неисцельныя.

Икос 1

«Иисусе, Спасителю мой, — молил смиренно Авгарь князь Едесский, — прииди ко мне и исцели неисцельныя болезни моя, в нихже от многих лет стражду». Емуже подражая, и аз, пораженный гpexoвною проказою, мольбою вопию сице:

Господи мой, Господи, помилуй мя по велицей милости Tвoeй и по множеству щедрот Твоих очисти беззаконие мое.

Господи, Спасителю мой, росою милости Твоея омый мя от беззакония моего и от греха моего очисти мя.

Господи, отврати лице Твое от грех моих и вся беззакония моя очисти.

Господи, сердце чисто созижди во мне и дух прав обнови во утробе моей.

Господи, не отвержи мене от лица Твоего и Духа Твоего Святаго не отыми от мене.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 2

Видя любовь и веру Авгаря Едесскаго, Ты рекл еси, Господи: «Блажен еси, Авгарь, не видевый Мя и веровавый в Мя; Аз пошлю ученика Моего и той исцелит тя и жизнь вечную подаст ти и сущим с тобою». Посли же, Господи, милость Твою и мне вопиющему: Аллилуиа.

Икос 2

Разум не постигает тайны, како Господь приложением к Божественному лику Своему убруса, изобрази на нем подобие Свое, посылая оное к Авгарю, желание того исполняя. Сей же радости великой исполнься, поклонися Образу Христову, емуже и мы с благоговением днесь покланяемся, с мольбою и верою зовуще:

Господи мой, Господи, устне мои отверзеши, и уста моя возвестят хвалу Твою.

Господи мой, Господи, возврати ми радость спасения и Духом Владычним утверди мя.

Господи, Тебе Единому согреших и лукавое пред Тобою сотворих, по милости Твоей пощади мя.

Господи мой, Господи, Спасителю мой, призри на скорбь души моея и поспеши на помощь мне.

Господи мой, Господи, услыши мя и от всех скорбей избави мя.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 3

Силою любве и радости преисполненный, поклонися Авгарь Нерукотворенному Образу Спасителя мира и, получив своих болезней исцеление; с верою воззва: «Христе Боже, всяк уповающий на Тя не постыдится», — сим поучая и нас всегда уповати на милости Господни и пети Ему: Аллилуиа.

Икос 3

Имея любовь к падшему роду человеческому, Ты, Христе Боже, чрез единаго от учеников Твоих воззвал eси Авгаря от мрака гpеxoвнаго и просветил еси душу его светом истины Твоея. Воззови и мене от глубины греховныя, да и аз с плачем возопию Тебе сице:

Господи мой, Господи, даруй ми слезы умиления, да ими Тя умолю очистити прежде конца вся моя пpeгрешения.

Господи, просвети мою душу светом Твоего Божественнаго познания и введи мя, по милости Твоей, в Царство Твое.

Господи мой, Господи, просвещение мое и Спаситель мой, к Тебе прибегох: научи мя творити волю Твою.

Господи мой, Господи, Боже мой, вразуми сердце мое, и отжени от него искушение лукаваго, и настави мя на путь спасения.

Господи мoй, Господи, не отрини убо моления моего и услыши мя, Твоею благостию утверди сердце мое страхом Твоим.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 4

Буря страстей и треволнений житейских потопляет мя, и сердце, объятое ужасом смерти, вопиет Ти: Господи, несть помогающаго ми на земли, спаси мя, якоже древле Авгаря, и даруй купно с ним пети Ти: Аллилуиа.

Икос 4

«Слыша, яко иудеи ненавидят Тя и хощут нечто злое содеяти Тебе, Господи, — рече Авгарь, — аз молю: прииди ко мне и обитай со мною». Того любви подражая, и аз, возстав из глубины падения моего, дерзновенно молю Тя, Христе Боже, сице:

Господи Боже мой, вниди в дом души моея и пребуди неотлучно со мною, грешным.

Господи, Боже сердца моего, прииди и соедини мя с Тобою навеки.

Господи мой, Господи, к Тебе прилепилась душа моя, прииди и радости исполни сердце мое.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 5

«Благословен грядый во имя Господне» — воспеваху древле дети еврейстии, встречая Господа в Иерусалиме. Мы же днесь, раскрывая двери сердец наших грядущему к нам Спасу, со умилением зовем: Аллилуиа.

Икос 5

Дивныя глаголы Ты рекл еси, Господи, всем погибающим: «Да не смущается сepдце ваше, и да не устрашается; веруйте в Бога и в Мя веруйте, и наследите Царство, уготованное вам от создания мира». Аз же, помышляя свое беззаконие, молю Тя, Блаже: утверди сердце мое и просвети ум мой, Тебе вопиющий:

Господи мой, Господи, призри на мя и просвети очи мои, да не усну в смерть.

Господи мой, Господи, путеводяй Израиля от земли фараоновой, настави мя на путь Твой, да пойду во истине Твоей.

Господи Иисусе Христе, Сыне Божий, верую в Тя, помози моему неверию.

Господи мой, Господи, да не яростию Твоею обличиши мене, и не удаляйся от мене за беззакония моя.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 6

Воззрети очима на Образ Твой, Господи, не смею, окаянный аз, oт лукавых моих деяний, но, яко мытарь, стеня, взываю Ти: «Боже, очисти мя, грешнаго, от фарисейскаго лицемерия и научи чистым сердцем пети милосердию Твоему: Аллилуиа».

Икос 6

Возсия в скорби моей утешительное слово Твое, Спасителю мой, еже рекл еси: «Не оставлю вас сиры, прииду к вам». Того ради аз, избегши темноты отчаяния, с надеждою на Твое человеколюбие прибегох к Тебе, сице моляся:

Господи мой, Господи, Прибежище мое в беде и в скорби, не остави мя единаго.

Господи мой, Господи безгрешный, со беззаконными вмененный, изми мя от рук ненавидящих мя.

Господи мой, Господи, от поругания видимых и невидимых врагов сохрани мя.

Господи мой, Господи, прости мя и приими мя, якоже блуднаго древле, во объятия Твоя.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 7

Дивныя показал еси дела Твоя, Господи, в пречистем Образе Твоем и чудное даровал еси утешение всем земнородным, научив их в скорбных обстояниях жизни прибегати к Твоему милосердию и пети Тебе с любовию: Аллилуиа.

Икос 7

Храм носяй телесный весь осквернен, множества же ради содеянных мною лютых, трепещу страшнаго Суднаго дне и молю: покаяния отверзи ми двери, Жизнодавче, и яко Давид вопию Ти:

Господи мой, Господи, услыши моление мое, внемли молитве моей и помилуй мя.

Господи Боже мой, Твой семь аз, вразуми мя, и жива будет душа моя.

Господи Боже мой, Пастырю мой, заблудих, яко овча погибшее, взыщи раба Твоего и спаси мя.

Господи мой, Господи, помилуй мя, исцели душу мою, яко согреших Тебе.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 8

Страшнаго дне пришествия Твоего ужасаюся, Христе, и трепещу, яко имый множество согрешений, но Ты, Милостивый Боже, прежде конца обрати мя, поющаго Ти: Аллилуиа.

Икос 8

Весь был ecи любовь к падшим человеком, о Иисусе, и даровал еси Образ Твой святый, ясно глаголющий всем в скорби и печали сущим: «Приидите ко Мне, вси труждающиися и обремененнии, и Аз упокою вы». Сего ради, погибающий, со дерзновением молю Тя, Христе, сице глаголя:

Господи мой, Господи, Хранителю мой, сохрани мя от врагов, нападающих на мя.

Господи мой, Господи, в вышних живый и на смиренныя призираяй, призри на мя, грешнаго, и буди отрадою моей.

Господи мой, Господи, спаси мя, утопающаго в пучине житейских искушений.

Господи мой, Господи, да не смущается сердце мое и да не устрашается во исповедании имени Твоего.

Господи мой, Господи, приими мя, яко мытаря, яко хананею, помилуй мя по милости Твоей.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 9

Вси языцы, приидите, с любовию и трепетом поклонимся пречистому Образу Спасителя мира, избавльшему нас от работы вражия, и благодарственно возопиим Ему, Победителю смерти и ада: Аллилуиа.

Икос 9

Весь пораженный проказою греховною, недоумеваю, како есть достойно величати Тя, о Владыко Многомилостивый, но верою сердечною исповедую Тя, истиннаго Сына Божия, смиренно стою пред Образом Твоим святым, сице моляся:

Господи Иисусе, Радосте моя, даждь ми, да возрадуюся о милости Твоей.

Господи, Спасителю мой Преблагий, спаси раба Твоего от неверия и беззакония.

Господи мой, Господи, Милость неизреченная, благодатию Твоею потреби гнев и сердце моем.

Господи мой, Господи, Чистота неописанная, чистоту сердца и ума даждь ми.

Господи мой, Господи, одеяйся светом яко ризою, освяти мя, печалями житейскими омраченнаго.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 10

Господи мой, Господи, Милосердый Спасителю мой, душу мою, студными деяниями люте разслабленную, воздвигни Божественным Твоим милосердием, якоже древле разслабленнаго при Овчей купели, и на спасения стези настави ю, да поет Ти: Аллилуиа.

Икос 10

Царю Предвечный, Утешителю, Христе Истинный, очисти мя от всякия скверны, якоже очистил eси десять прокаженных, и исцели мя, якоже исцелил еси сребролюбивую душу Закхея мытаря, да воспою Ти, сице глаголя:

Господи мой, Господи, недуги наша приемый и болезни понесый, исцели болезни сердца моего.

Господи мой, Господи Иисусе, Помощниче мой, помози ми, яко изнемогает душа моя oт скорби сея.

Господи мой, Господи, очи давый слепому во еже видети, даждь ми око, да узрю кротость и терпение Твое.

Господи Долготерпеливый, избави душу мою от нечестиваго и спаси мя ради милости Твоея.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 11

Пение всеумиленное Тебе приносяща и сокрушенным сердцем молящася не презри мя, о Преблагий Владыко! Отврати убо лице Твое от грех моих, но не отврати лица Твоего от раба, поющаго Тебе: Аллилуиа.

Икос 11

Христе, Свете истинный, просвещаяй и освящаяй всякаго человека, грядущаго в мир, призри на мя, грешнаго и непотребнаго раба Твоего, и исправи жизнь мою по заповедям Твоим, и душу мою освяти, да принесу Ти молитву сицевую:

Господи Иисусе Христе, Ты —  Свет мира, светом Твоим осияй мя.

Господи мой, Господи, Ты — Источник жизни, даруй душе моей жизнь нетленную и утверди ю в заповедех Твоих.

Господи Иисусе Христе, Ты — Солнце Правды, правдою Твоею согрей душу мою и озари ум мой.

Господи мой, Господи, Ты — Наставник мой, научи мя творити волю Твою и любити Тя всем сердцем.

Господи мой, Господи, Ты отверзл eси очи слепому, отверзи и мне двери покаяния и, яко Щедр, очисти вся грехи моя.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 12

Благодатию Твоею всесильною утверди сердце мое в вере, надежде и любви, даруй ми покаянием и неослабленным исполнением заповедей Твоих достигнути Царствия Небеснаго, идеже с лики Ангельскими воспою Ти: Аллилуиа.

Икос 12

Ты, Пастырю добрый, рекл еси всем в скорби и печали сущим: «Друзи Мои, Аз иду ко Отцу Моему и Отцу вашему уготовати место вам, но паки прииду и возьму вы к Себе, аще заповеди Моя соблюдете». Сему благоговейно внимая, дерзну и аз, погруженный в лютую скорбь, приступити к Тебе, сице моляся:

Господи мой, Господи, Милосердый Спасителю мой, спаси мя погибающаго.

Господи мой, Господи, отжени от мене тучи неверия, зла и вражды и Духом Твоим Благим настави мя на путь правды.

Господи мой, Господи, утешение души моея, утеши мя в печали сущаго.

Господи Боже мой, имене ради Твоего оживи мя и правдою Твоею изведи из печали душу мою.

Господи, Царю Пресильный, помяни мя, егда приидеши во Царствии Твоем.

Господи Боже, Спасителю мой, прииди ко мне погибающему и исцели болезни моя неисцельныя.

Кондак 13

О Премилосердный и Преблагий Господи Боже, Спасителю мой, пришедый в мир для спасения падшаго человека, не возгнушайся мене, паче всех человек прегрешившаго, и не отврати от мене лица Твоего, но призри на лютую скорбь и печаль души моея, исцели и утверди в Свете истины и любве, да поюм Ти: Аллилуиа.

О Спасе мой Премилосердный, пришедый в мир для спасения падшаго человека, взыщи мя, погибаюшаго, и благодатию Твоею душу мою освяти, тело очисти и жизнь исправи по заповедем Твоим, да воспою Ти чистым сердцем: Аллилуиа.

О Спасе мoй Премилостивый, призри на раба Твоего, утопающаю в мори житейских искушений и бед, и, якоже древле Петра утопающа, спаси благодатию Твоею, освяти душу и утверди на стези заповедей Твоих, да чистым сердцем и усты вопию Ти с любовию: Аллилуиа.

(Далее читается икос 1 и кондак 1)

Молитва

О Преблагий Господи Иисусе Христе, Боже наш! Ты древле лице Твое пресвятое водою омыв и отер убрусом, чудесне оное на том же убрусе изобразил еси и Едесскому князю Авгарю во исцеление недуга его послати благоволил еси. Се и мы ныне, грешнии раби Твои, одержимы душевными и телесными недуги нашими, лица Твоего, Господи, ищем и с Давидом во смирении душ наших зовем: не отврати лица Твоего от нас и не уклонися гневом от рабов Твоих, Помощник нам буди, не отрини нас и не остави нас. О Всемилостивый Господи, Спасителю наш! Вообрази Сам Себе в душах наших, да, во святыне и правде жительствующе, будем сынове Твои и наследницы Царствия Твоего, и тако Тебе, Премилостиваго Бога нашего, купно со Безначальным Отцем Твоим и Пресвятым Духом славити не престанем во веки веков. Аминь.

источник:https://pronedra.ru/kakie-molitvy-stoit-chitat-na-orexovyj-spas-406165.html

Жми «Нравится» и получай только лучшие посты в Facebook ↓

Какие молитвы стоит читать на Ореховый Спас 29 августа, чтобы было благополучие в доме